Shillong: Ka KSU Balat Border Area Circle ka la leit ban iakynduh ia ka Deputy Commissioner jong ka East Khasi Hills District, ka Kong Matsiewdor War halor ka jing pynslem ban pynmih ia ki kyrteng bad halor ka jing bymlah ban pynmih ne pynthymmai iaki nongshong hat(vendor) bad ki nongthied (vendee) ha Balat Border haat.
Ia ka kynhun jongka seng la ialam da u President samla Bonsen Snaitang. Na ka liang ka seng ka la pynpaw ia ka jing sngew khia halor ka jing ud jong ki babun ki paitbah haba ia dei bad ka iew border haat bad ia ka jing pynslem na ka liang jong ka DC ban pynmih ne pynthymmai ia ki veendor bad veende mynta u snem.
Ka seng ka la kwah ban tip ia ka daw ba na ka liang ka DC ka pynslem ban pynthymmai ia ki veendor bad veende.
Na ka liang jong ka DC ka la kular ban leh khamkloi ban sa pyllait noh ia ka jing pynthymmai veendor bad veende. Ha kajuh ka por na ka liang ka seng ki iakren shaphang ki doh um doh wah namar don ki ki riew shim kabu ba khwan mntoi shimet ban shoh dawai bad bomb ia ki dohkha. Ka seng ka la ai jingmut ia ka DC ban nym shah shuh ia ki syiem\shnong ban aibor ia kino kino ki briew ban shim wai ne pyniaid ia ki wah . Na ka liang jongka, ka la kular ban sa shim khia bad leh noh kham kloi bad ban khot ia ki nongialam shnong ne ki syiem ban ia pyrkhat khnang ban pynneh pynsah bad ban nym pyniap pathar iaki dohum dohwah nangne shakhmat, ong ka kyrwoh na u samla Baniarap Snaitang, Publicity Secretary KSU Balat Border Area Unit
Phi don ban ong eiei?