Kynduh 110 ngut ki khlieh nongsynshar ia u bah Lapang

Shillong, 10 Nailur:
Ki khlieh nong synshar na Khasi bad Jaintia ba kynthup 110 ngut ki la iakynduh ia u nongai jingmut ka sorkar u Bah DD Lapang mynta ka sngi ban kyrpad ia u ban bsuh ia ki jingai jingmut jongki ban pyn khlain ia ki rukom synshar katkum ka riti dustur.
khlieh nongsynshar ba kynthup na Dorbar Doloi Ri Jaintia, Dorbar Hima bad Dorbar Sardar ship ki la aiti ruh ha u Bah Lapang ia ka jing thoh uba dei ruh u chairman ka Committee ban pynkup bor ia ki khlieh nongsynshar.
Ki la kyrpad ia u Bah Lapang ba dei ban thung dkhot shuh na ki ha kane ka komiti. Na ka liang u Bah Lapang u la pynpaw ia ka jingsngew tynnad ba ki khlieh nongsynshar ki la ia wan lang khrui bad kaba pyni ia ka jingkitkhlieh jongki. U la ong ba ki don ka jinglaitluid ban ai jingmut sha ka komiti bad ka komiti kan sa trei borbah ban pyndep ia ka kam kloi katba lah ban aiti sha ka sorkar ba kan leh ia kaba donkam. Kiba don lang ha kane ka jingiakynduh ki kynthup ia u syiem barim Paiem Laborious Manik S.Syiem, kum u nongkhot, Dr.B.S.Syiem, Syiem ka Hima Khyrim, Bah C.Lyngdoh, Doloi Elaka Raliang, Bah Puramon Kynjing, Acting Doloi Elaka Jowai, Bah H.Skhemlon, Sirdar Hima Mawdon, Bah E.Sutnga, Doloi Elaka Sutnga, Bah Wanphrang Lyngdoh, Sirdar Elaka Nongpoh, Bah P.Rynjah, Sirdar Elaka, Bah Lyngskor, Sirdar Elaka Sohbar, Bah Edward Kurbah, Secretary Elaka Marbisu Sirdarship, Bah M.Dhar, Acting Doloi Elaka Shangpung bad Bah Niandro Syiemiong, Syiem ka Hima Maharam.