Kyndon 144 CrPC ban tih khyndew ha Ri Bhoi

Nongpoh: Ka District Magistrate, jong ka Ri Bhoi District, ka la pynjari da ka kyndon ain 144 CrPC, ban maham pyrshah ia baroh ki briew ne kino kino ki kynhun, ba kim bit shuh ban tih khyndew ha kylleng ki jaka kiba dang hap hapoh ka Ri Bhoi District.
Ka jingpynjari ia katei ka kyndon, ka dei hadien ba la lap ba ka la don ka jingtih khyndew beain ha kiba bun ki jaka ha Ri Bhoi bad khamtam eh ha ki thain Killing, ha kaba lyngba jong katei ka jingtih khyndew, ka la wanrah ia ka jingjulor ha ka Mariang, namar lyngba ka jingtih khyndew ka pynlong ia ki lum ba kin twa bad kaba la wanrah pat ia ka jingjulor ia ki iing ki sem, ki Post Electric, ki Pipe um bad kaba ktah ruh ia ki nala um.