Kyndit U Raashid, ba sah teng ka IOA & AA ki 25 Khasi States

Shillong, 8 Rymphang:
Ha ka sngi thodieng 5 tarik Naitung 2013, hadien ba la u Shri. Raashid Alvi, Ex-MP Adviser, to the Bureau of Parliamentary Studies and Training, (BPST), u la pule sani bha ia ka Instrument of Accession and Annexed Agreement, jong ki Khasi States, u la pynpaw ia ka jing kyndit ban tip ba ki tei ki jingkular ki dang sah teng ki jingiateh bad ki jingkular (Instrument of Accession and Annexed Agreement -IOA& AA ) kaba la soi mynjur bad pdiang da ka Sorkar India bad ki Arphewsan Khasi States ha ka 17 tarik Nailar 1948.
Ia katei ka jingsngew u Shri Raashid Alvi, Ex-MP u la pynpaw ha ka jingia kynduh bad u Bah John F Kharshiing, Co-Chairman, Meghalaya State Planning Board(MSPB), Chairman, Grand Council of Chiefs of Meghalaya, Spokesperson Federation of Khasi States.
Ha katei ka jingiasyllok utei u Chairman, u la mynjur ia ka jingpynshai jong u Bah John F Kharshiing bad u la ong ba katei ka jingiateh bad ki jingkular ki jan ia syriem bad ka dulir Instrument of Accession and Annexed Agreement jong ka Jammu & Kashimir.
U la pynpaw ia ka jinglyngoh ban tip ba haduh kine ki sngi ki Dorbar Khasi states kim shym paw ha kaba shai hapoh ka Constitution Ri India. U la ong ba kadei ka sien kaba nyngkong ba un tip ba don kum kane ka dulir jong ki Hima Khasi States. U la ong ba u la don teng hapoh Lok Sabha bad Rajya Sabha, hynrei um shym ioh sngew ban mih kano kano ka jingiakren halor katei ka kam na ki MP ka jylla Meghalaya.
U la ong ruh ba kan iarap shibun lada ka Sorkar Jylla Meghalaya, kan phah ia ka jubap kaba shai halor ka shithi 18 tarik Naitung 2012, kaba la phah na ka tnad Ministry of Home Affairs, khnang ba ka Sorkar India kan lah ban leh ia kaba donkam.
U la pynpaw ba u long uba kloi ban pyniarap bad ban pynkren sha ki bor Sorkar India, bad u la khot ia u Bah John F Kharshiing sha Delhi ban ia kren sani bha ia katei ka phang.