Kyndit ki samla Kur Thabah ba die duh U Lyngdoh Sohiong ia ka Nongwah Mawtamur

Shillong: Ki samla ka kur Thabah, kiba shong ba sah ha ka Hima Nongspung, ki pynpaw ia ka jingsngew kyndit, halor ka jingleh U Lyngdoh Sohiong, Bah Bashemphang Thabah, da kaba u die duh ia ka Shnat Hima Nongwah Mawtamur, sha ka Hima Jirang, kaba kynthup ia 20 tylli tam eiei ki shnong shaduh khappud Assam, kaba hap hapoh ka jingpeit jong U Lyngdoh Sohiong.

Ki samla kur Thabah, ki pynrem ruh ia ka jingleh jong U Lyngdoh Sohiong bad ki pynpaw ba ki kloi ban kyrshan ia ka jingdawa jong ka JAC bad ban don ryngkat la ki donkam ha kano kano ka por, ong ka kyrwoh na 20 ngut ki nongsoi kiba dei na ka Kur Thabah.