Kyndit ki doktor ha London, ba sdang mih sa ka jingpang ha ki khynnah rit

Ki doktor ha England, ki lyngngoh jur ha kine ki sngi, ba ki la sdang mih bun ki jingpang ia bit sa ia ki khynnah rit bad kitei ki hap leit shah sumar kyrkieh bad leit buh ha ki intensive care unit (icu), ha kaba ka rukom ioh pang jongki, ka lam ia syriem bad ka jingpang coronavirus.

Katei ka jingpang, la iathuh ba ka long kumba pdung ha bad katei ka jingpang, ka sdang mih ha kine ki sngi ha UK. Ki bor pyniaid ka NHS, ki ong “Mynta la lai taiew eiei, ka don ka jingkiew kaba jur ha ka jing kem pang jong ki khynnah rit, ha kaba ki don ki jingat kiba pdung bad katei ka donkam ia ka jing sumar ba kyrkieh ha ka nongbah London bad ha kiwei de ki bynta jong ka UK”.

Haduh mynta, la ju shim ba ki khynnah, kim da ngat ha katei ka jingpang iabit, hynrei ha kine ki sngi, la lap ba ki khynnah, ki ioh ia ka jingpang ha ka kpoh, ka jingtyrha shadem bad ki dak kiba don jingiadei bad ka jingpang kpoh bad hangta ka sa wan ka jing kynroi prie bad pynhiar. Hynrei, la iathuh ba kitei ki khynnah, kim don pat ia ka jingpang Covid-19.

Haduh mynta, ym pat don ba ioh ia ka jingtip ba thikna, la ki don katno ngut kiba ioh pang ha UK lane kiba la iap, ong ka khubor jong ka Daily Mail.