Sohra: Ka kong Grace Mary Kharpuri kyrtong shimet kaba la wan ba ar ha kane ka jingiakhun ia kane ka elekshon shiteng samoi na ka 26-Shella Konstitwensi kala ong ba ka pdiang ka rai jong u paidbah, hynrei kam shym poi pyrkhat ba kan long haduh katne.
“Nga pdiang ia ka rai u paidbah hynrei ngim poi pyrkhat ban shah tam haduh katne”, ka la ong.
Ha ka jingianiew vote mynta ka sngi ka Kong Grace Mary Kharpuri kala ioh 5871 vote bad u Bah Balajied Kupar Synrem u la ioh 12002 vote. Ka kong Grace haba kren ha ki lad pathai khubor ha phyllaw jong u SDO Civil Sohra kala ong ba ka pdiang ia ka rai jong u paidbah.
Lah ban pynkynmaw ba ka Kong Grace ka dei ka MDC na ka Nongskhen konstitwensi na ka seng Congress bad kala pan tiket na ka party kaba ka don hynrei ka party kala ai noh ia ka tiket sha u bah Batengshain Laitmon Rynga bad kane ka jingduh tiket kala pynlong ia ka ban mih na ka party bad ia khun kum ka kyrtong shimet.
I grace te iba lalot bor palat