Kyndit ba weng Acting Dolloi Shangpung

Jowai, 31 Risaw:
Ki Waheh Shnong Khad Ar Nor Elaka Shangpung West Jaintia Hills District, kiba dei peit ia ka dustur riti bad ia ka synshar khaddar naduh kulong kumah, ki la kyndit haduh katta ia ka jingweng kynsan ka Executive Committee jong ka Jaintia Hills Autonomous District Council (JHADC) ia u Mandame Dhar Acting Doloi jong ka Elaka Shangpung. Ia kane ka la paw ha ki khubor bapher bapher, kane ka jingleh jong ka District Council ka la ktah mat iong ia ka jingiaid beit iaid ryntih jong ka Dustur riti kumba la buh da u longshwa man shwa.
Na ka liang U Ma C Lanngbang, Assistant Secretary Waheh Shnong Khad Ar NOR Elaka Shangpung ,u la pynkynmaw ba hadien ba u (L) Wenly Dhar u la khlad, ki Khad Ar Nor ki la jied don burom ia u Acting doloi ryngkat ka jingkubur ka District Council. Ha ka juh ka por ki bor jong ka District Council ki la pyntip sha ki Khad Ar Nor ba ki la mynjur ia une u Acting Doloi, pynban yn da la weng jubor ia u kum u Acting Doloi, ka District Council ka pynsah umdum ia ki Waheh Khad Ar Nor Elaka Shangpung