Kyllon u bar jylla hajan Syiem Mylliem

Shillong, 23 Iaïong:
Uwei u briew uba dei u bar jylla uba ka kyrteng bad ia ka jaka sah um shym pat la tip satia ula khlad kyndit hajan ka ophis jong ka dorbar jong U Syiem ka Hima Mylliem ha Mawkhar mynta ka sngi. Ki pulit pyniaid kali ki la iohi ia une u dkhar ba ula thiah lyngkrang ha surok ki dang pyrkhat ba u buaid bad ha ka jingbun kam ki khlem shym la pynleit jingmut ia une u dkhar.
Ha kane ka sngi u Rangbah Shnong ka Maw khar u Bah WHD Syng kon, haba ia kren bad ki lad pathai khubor ula ong, mar syn ioh jingtip ia kane ka jingjia ula leit da lade ban peit ia kaba la jia bad ula iohi ia une u dkhar ba ula thiah ha kane ka surok shnong bad kumta hi kum u rangbah shnong ula phun sha ka kali 108 ban ai ia ka jingiarap ia une u dkhar hynrei na ka jingslem palat kane ka ambulance une u dkhar ula khlad noh hi ha kane ka jaka.
Ia ka daw jong ka jingkhlad ym tip na kaei ka daw hynrei ia ka metiap la pynkit noh sha Shillong Civil Hospital ban pynlong ia ka jingtohkit.