Kyllon iap u lehnoh ha Shahlang

Nongstoin, 17 K’Lyngkot:
Mynta ka step ha ka por 5:45 baje dang step kala don ka jingiather kuli kaba jur bha hapdeng ki kynhun pulit ka Shallang PS bad ki lehnoh ANLA kaba la jia ha kawei ka khlaw hajan ka shnong Nongaldro. Ia katei ka kynhun lehnoh ANLA la ialam da u wei u snar u ba la dei teng u dkhot jong ka GNLA bad u ba la shah kem bad shong phatok ruh bad u ba la lait jamin noh ha u snem ba la lah.
Katei ka jaka ba la jia katei ka jingiather ka jngai tang kumba 15 km ei ei na Shallang PS, bad hadien katei ka jingiather kuli kaba jur ki pulit kila pynlong ia ka jingkhynra ia katei ka jaka bad la lap ruh ia kawei ka met iap kaba la thiah lyngktar ha ryngkat kawei ka suloi ba la kurup noh da ki pulit.
Katba kiwei pat ki kynhun lehnoh kila ioh lad ban phet krad noh lyngba katei ka khlaw kaba rben, shuh shuh ka khubor na ki pulit ka iathuh ruh ba katei ka kynhun ka dei kaba don kti ha ka jingjia rahbor kiba ju jia na kapor sha ka por ha ki thain Aradonga bad thain Riangdo.