Kyllon iap U Indian ha shen

Shillong, 21Naiwieng:
U Indian A Sangma u dkhot ka GNLA u kyllon iap hashen hadien ba ka jingiather kuli hapdeng ki pulit SWAT bad Commando ka la neh kumba katto katne por. Katei ka jingiather kuli hapdeng ka GNLA bad ki pulit ka jia mynta ka sngi ha ka shnong Sonabil kaba hajan Garobadha ha West Garo hills district.
Ka khubor pulit ka la iathuh ba ki pulit ki hiar sha katei ka jaka ban khynra ia ki lehnoh GNLA dei lyngba ka jingialam u dkhot jong ka uba la shah kem u Jackuis A Sangma , ki la ong ba u Jackius u la ialam ia ki pulit ha katei ka shnong ba don ki GNLA. U Indian Sangma u dei u dkhot ba dang 23 snem , u la kyllon iap hashen ha ka jingiather kuli kaba markylliang. Ki pulit ki la ioh ban kurup kawei ka pistol bad ka Magazine na utei u dkhot ba la iap.