Kyllon iap u GNLA ha ka jingther kuli bad ki pulit

Shillong, 30 Nailur:
Uwei u dkhot ka Garo National Liberation Army (GNLA) u la shah siat iap ha ka jingiather kuli bad ki pulit mynta ka sngi ha East Garo hills.Katei ka jingjia ka la jia ha ka jaka ba la tip kumka Dawa Nengjata kaba don hajan Williamnagar ,ka jingjia ka la jia ha ka por 5:30 baje dang step. Katkum ka khubor pulit ki la iathuh ba ki don kumba 20 ngut eiei ki dkhot ka GNLA ha katei ka jingiasiat bad utei u ba la kyllon iap u dei uba la tip kyrteng kum u Balmit Marak ba ju khot sin kum u Merek. Na katei ka jaka ia siat ki pulit ki la ioh kurup kawei ka suloi Insas,5 tylli ki magazine, 49 live rounds, 5 ki live 7.62 mm sniper ammo, 15 .303 live ammo, AK ammo, bad bun bah ki tiar pynbthei ryngkat ka ID Card jong u Morek Ch Marak.