Kyllon iap u Commander ka GNLA, ba iather bad ki SWAT

Shillong,1 Jymmang:
U Commander ka Garo National Liberation Army (GNLA), u la kyllon iap hashen ha ka jingiather kuli hapdeng katei ka seng lehnoh bad ki pulit SWAT kiba la syrtap lang bad ki COBRA, katei ka la jia ha ki thain ka Daji Badi magre-Boldakgre , kaba hap hapoh ka South Garo hills district, iathuh u Abraham T Sangma, uwei na ki heh pulit katei ka district.
Utei u heh pulit u la iathuh ha ki lad khubor ba ki pulit hadien ba ki la ioh jingtip kaba thikna bha ba ki dodn ki dkhot ka GNLA kiba riehtngen ha katei ka jaka, ki la leit ban khynra ha katei ka jaka, ha kaba la mih ka jingiather kuli hapdeng ki pulit bad ki lehnoh. U la ong ba mynta ruh ka jingkhynra ia ki lehnoh ka dang iaid shakhmat.Ha katei ka jingleit khynra lehnoh , la leit da ki pulit ka Special Weapons and Tactics (SWAT) ba la syrtap lang bad ki CoBRA (Combat Battalion for Resolute Action). Ha katei ka jingjia ki pulit ki la ioh ban kurup kawei ka AK Rifle bad ki kuli, bad ki jain phong thohkhla na katei ka jaka, iathuh ki lad khubor pulit.