Kyllon iap 5 ngut ki Pulit ha ki GNLA

Shillong, 5 Naiwieng:
San ngut ki pulit ki la kyllon iap ha ka jingshah hiar thma ha ki suba lehnoh ka Garo National Liberation Army (GNLA).
Katei ka jing kyllon iap jong kitei ki san ngut ki pulit la jia mynta ka sngi ha ka por 11:30 hapoh Bangjakona kaba don hajan Kapasipara ha South Garo hills District.
Katkum ka khubor na ki pulit la iathuh ba san ngut ki pulit ki la kyllon iap ha katei ka jinghiar thma bad ka kynhun lehnoh ka GNLA.
Napdeng kitei ki san ngut ki pulit kiba la kyllon iap ki kynthup uwei u pulit havildar bad saw ngut ki langrut.
Ki pulit ki la shah hiar thma katba ki dang mih na Baghmara District head quarter ka South Garo hills ban leit sha West Garo hills district headquarter Tura ban leit shaw ia uwei u koidi.
Ki pulit constable ki ba la kyllon iap la tip kyrteng kum u Rakki CH Sangma, DFM Lekichyne Ryngklem, katba u Dondiram Marak, u Bipul Rabha bad u Manshanstar Nongdhar kiba dei jong ka 3rd MLP battalion.
Kitei ki lehnoh ki rah ei lai tylli ki suloi AK bad kawei ka carbine na ki pulit.
Ki pulit ki dang dang pynlong ka jingthwet kaba jur ban lap ia ki lehnoh kiba donkti ha kane ka kam.
U Latka Jylla, U KK Paul, u pynrem jur ia ka jingsiat iap ia ki 5ngut ki pulit mynta ka sngi, ha South Garo Hills bad u phah ia ka khubor sngewlem sha kiba ha iing jong kitei ki pulit kiba la duh ia la ka jingim jong ki.