Kyllon iap 2 ki GNLA

Shillong,10 Nohprah:
Ar ngut ki snar ka GNLA ki la kyllon iap bad ar ngut kiwei pat ki la mynsaw jur hadien ba ki pulit SWAT ki la tur sha ki ktem jong ki. Hadien ba ki La ioh jingtip ba ki don kumba 30 ngut eiei ki dkhot ka GNLA kiba la ia lum lang ha Adugre ka jaka kaba don ha lawbah jong ka Durama Hills ha East Garo hills, ki pulit ka East Garo Hills ha ryngkat ka jingiatreilang bad ki pulit ka South Garo hills ki la hiar sha katei ka jaka ban khynra ia ktem ki lehnoh GNLA. Ki la ioh ruh ban kurup ia shibun tylli ki tiar siat na katei ka jaka.