Kylli U Pastor “Rakhe Khristmas, tang na kaba paw, hato ia ka dohnud ngi pynkhreh?”

Shillong:Ha ka jing rakhe ia ka Khristmas, U Rupang, u pynmih ia ka jingiakren bad U Pastor MJ Skhemlon bad utei U Pastor, u ong “Ka khubor Kristmas, ka dei ka jingwan U Trai Jisu, katno, ka pyndap da ka jingkmen. Baroh ngi ia pynkhreh Kristmas, kumno ha ki iing ki sem, ban ia thied ki jain ki nep kiba itynnad, nangta ban ia thied ki kek, ban ia ai ia ki paralok. Kata ka long ka jingleh kaba nabar kein; hynrei kaba ngi donkam ka long ba ngin pdiang ia u, kumba ka shyngoid ka pdiang ha ka sem kulai bad ba ki dohnud jongngi kin pdiang ia U Jisu. Tang kata”.

U Pastor Jones, u ong shuh shuh “Ah ban da ki dohnud jongngi, kin pdiang kumto, U Jisu, un thaw thymmai shisha ia ka pyrthei kaba kum kane. Sdang ka sem kulai, kiew ha ka diengphna, ban pyllong ia ngi kiba laitluid na ka pop. Ban lait ia ka pop, ka sdang na ka Bethlehem”.

Ha kajuh ka por, U Pastor Jones, u kren bynniaw, da kaba ong shuh ba ki jingrakhe ia ka Kristmas, ha kine ki sngi, ki long kiba tang nabar. “Tang na kaei kaba paw, hynrei ym napoh. Ki dohnud hato ngi pynkhreh? Ngi pynkhreh ia kaba nabar, ngi ia thied ia ki jain thymmai ngi ia phong, ka dohnud ka thymmai ne ka rim?