|
Shillong: Mynta ka sngi, ka Sier Lapalang Operation (SLO) jong ka HYC, ka la iaid bad khynra bar Jylla, ha kylleng ka Shnong Mawlai.
 Ia kane ka SLO la ialam da u Shipai Bashan Lyngdoh Mawnai, General Secretary ka Circle ia kaba la sdang na Mawlai Mawroh sha Nonglum bud ter ter sha Mawiong Umjapung bad la pynkut ha Mawlai Mawiong Rim. Ki bar jylla ba wan bylla beain baroh ba la pynher krad da ka seng mynta ka sngi ki long 25 ngut, Mawroh =3 ngut, Nonglum= 7 ngut, Mawiong Umjapung = 10 ngut bad Mawiong Rim = 5ngut.
 Kane ka jingpynher krad ka seng lyngba ka SLO ia kine ki poiwir bar jylla ka long shibynta ka jingdawa jong ka seng na ka sorkar ban wanrah noh kloi ia ka ILP hapoh ka Jylla.
Ka seng lyngba u General secretary ka maham jur ia baroh ki contractor khasi ba kim dei ban khein sting ne khein shngain ha kaban wanrah ia kitei ki nong bylla khlem ki kot ki sla kiba biang, namar ka SLO hapoh ka shnong Mawlai bad ha ka Bri u Hynniewtrep kan nang rhem nangne shakhmat.
|
Phi don ban ong eiei?