Kylla number ia ki bos saw, ong ka BJYM

Shillong 06 Nailur:
Ka BJYM mynta ka sngi ka la pynher shithi sha ar ngut ki myntri sorkar kynthup u myntri kali Bah HDR Lyngdoh bad u myntri ba peit ia ki bos saw (JNNURM) u Bah Ronnie V Lyngdoh.
Ha ka dorkhas, ka BJYM ka la pynkynmaw ba ha u bnai ba la dep, ban pynkylla noh ia ki number jong ki bos saw (SPTS), na ka ML01 sha kiwei ki number khnang ba kine kin hap siew khajna katkum ka Motor Vehicles Act, 1989.
U President ka BJYM u Bah Egenstar Kurkalang u la ong ba kine ki kali sorkar ki kamai sahuh khlem siew khajna eiei sha ka sorkar kaba long pyrshah ia ka Motor Vehicles Act, 1989, katba ki khrong ia ka pisa na ki paidbah.