U Yogi Adityanath, myntri rangbah ka Uttar Pradesh, ula pynbna mynta ka sngi, ba ia ka Faizabad district, yn jer kyrteng noh nangne shakhmat da ka Ayodhya. Ka nongbah Ayodhya, ka hap ha ka Faizabad District jong ka Uttar Pradesh bad ka dei ka jaka kaba don ka jing ia kynad halor ka jingtem ia ka temple Ram mandir.
U Adityanath, u ong ba ka Aydohya, ka dei ka burom, ka jingsarong bad ka kyrdan jong katei ka Jylla. Ha ka jingkren jongu, mynta ka sngi, U Adityanath, ula pynbna ba ia ka kad liengsuin kaba thymmai, yn ai da ka kyrteng jong U Ram bad ka kolej ki doktor, yn jer kyrteng Raja Dashrath, uba dei u kpa jong U Ram, haba yn buh ha Ayodhya.