Kylla kudam ka Cold Storage ha Iew Dielang Mawiong Ai wai T.4.15 lak shi snem

Shillong, 12 Nailur:
Ka kudam buh mar (cold storage) kaba don ha Iew Dielang Mawiong la shna kyrpang na bynta ki nongrep ban buh ia ki mar rep ha kane ka jaka, hynrei la pynkylla kudam ban buh mar namar ba la sniew bun bha ki tiar.
Ha ka jingiakren bad u Secretary ka Meg halaya State Agricultural Marketing Board u Bah W Marbaniang u la iathuh ba ia kane ka kudam ban buh ia ki mat pyut, mynta la pynkylla kudam noh bad la aiwai noh ha ki riew shimet ba kin buh ia ki tiar ne kino kino ki mar ki mata namar ba ka la duh bun. U Bah Marbaning u la iathuh ba ia kane ka col storage la ai wai ha ka dorT.4.15 lak shi snem sha ka Kong R Lyngwa.
Katkum ka jingia thuh u Bah Marbaniang, u la ong ba ka Board ka shem shitom ban maramot ia kaei ka cold storage, namar ba ka la duh bun ki tiar bad khnang ban pynlait na ka jingshong thylli ka Board ka la hap ban shu ai wai kudam noh khang ban pynmih pisa na ka bynta ka jingdonkam.
Ha ka jingshisha ia kane ka kudam, la shna khnang da ka sorkar na bynta ki nongrep khnang ban buh ia ki mar rep kiba lah ban pyut noh kum u phan, jhur bad kiwei kiwei de.
Ha u 12 tarik u Nailar 1996, la sdang ka iadie ia thied ia u phan ha katei ka iew. Ka jingdon jong ki nongrep rep ha katei kapor kalong kaba shongshit bha. Da ka jingtreikam katei ka iew Dielang la pynlong ka jingiadie ia thied da u synsar, sla tyrpad bad u Phan.
Katei ka cold storage la buh khnang ban iarap ia ki nongrep ban lait na ka jingshah ban bein ha ki mahajon kiba thied dor tad bad haba ka iew ka hat kam long ban die namar ka jingtad palat, bad ha kum kane, ki lah ban leit buh shwa ia ki mar rep jongki bad kin sa die pat hadien ba la kham biang ka dor.
“Ki nongrep ki bym pat kwah die ia ki mar ne lada ki mar ki hiar dor ki nongrep ki lah ban buh shwa ha katei ka jaka bad lada ki buh ia ki mar jong ki ki hap ban siew ha ka dor kaba rit”, la ong.
Ha kane ka cold storage lah ban buh haduh kumba 3 bnai ei ei khlem pyut.
Ia kane ka cold storage la plie ha u snem 2001 da u Bah EK Mawlong bam kwai ha duwar u Blei, ha ka por ba u dang long kum u Myntri Rangbah jong kane ka jylla.