Kylla khongpong ka trok kit dewbilat ha Lad Mawreng

Shillong: Ha kawei ka jingjia ha kaba kawei ka trok kaba kit dewbilat kaba don ia u registration nombar AS 10 C 0490 ka la noh sha khap bad ka la kylla khongpong ha kawei na ki jaka kaba don ha Lad Mawreng.

Katkum ki tyllong khubor ba la ioh lum la iathuh ba ki briew kiba iohi ia kane ka jingjia ki la ong ba kane ka jingjia ka la jia ha ka por 9 baje mynmiet jong ka 19 tarik u Jymmang 2021.

Hapoh katei ka trok ki la don sawngut eiei ki briew kiba shong bad ha kane ka jingjia ym shym la don kano kano ka jingjia kaba sngewsih. Ki tyllong khubor ki iathuh ruh ba kine ki briew ki dei na Mawryngkneng bad kane ka ka trok ka la thmu ban leit pynhap ia katei ka dewbilat sha Lawbah.
Ki kali khwai ki la wan ban tannoh ia katei ka trok bad kaba la dei trai da u Kadir Malik bad u ba dei na Karimganj, Assam.