Kylla ka trok kit Umphniang, rat ïa 2 tylli ki kali ha thaiñ Mawblei

Shillong:Kawei ka trok kit umphniang petrol, ka la kylla bad leit rat ïa artylli ki kali ha ka thaiñ Mawblei ha ka sngi U Blei.

Kane ka jingkylla ka la pyntuid lut ïa ka umphniang sha surok bad lam sha ka jingdheng kali kaba jur ha ka surok Shillong-Jowai. Ki kali pynlip ding ki la her wut wut sha katei ka jaka ban pynkhuid ïa kane ka umphniang da kaba synreit um ha shi lynter ka surok.

Katkum ka khubor, kane ka trok kit umphniang ka don jingthmu ban leit buh Umphniang sha ka Thangkhiew Service Station kaba don ha Mawlai.

Kat haduh ba thoh ïa kane ka khubor, ym pat don satia kano kano ka jingjia kaba sngewsih.