Hynnin ka miet, ha ka por shiteng synnia kawei ka Sumo, ka la kylla hajan Williamnagar, jong ka East Garo Hills District. Katei ka Sumo, ka dei kaba wan na Nongchram bad la iathuh ba ki don kumba 12ngut ki briew ha katei ka kali bad ka jingkylla jong katei ka kali, ka dei na ka daw, ba u nongniah, ula pynher stet palat ia katei ka kali. Kiba mynsaw, ki don ruh ki khynnah rit bad la leit ialam ia ki sha Hospital ha Williamnagar.
Ym shym la ioh jingtip kaba bniah halor katei ka jingjia bad ym shym ioh ruh ia ka number kali, kat haduh ba thoh ia kane ka khubor.