Nongpoh: Kawei ka kali kaba kit ia ki kali thymmai bad kaba thmu ban pynpoi ia kitei ki kali sha Nongbah Shillong, ka la kylla noh hynne ka step ha ka por 9.30 baje ei mynstep ha pdeng jong ka surok Umsning By-pass ha Umsning, Ri Bhoi.
La ioh jingtip ba ia katei ka kali la niah da u Mehebood Khan, ha kaba ka la shu kylla kynsan kynsan ha katei ka jaka bad kaba la wanrah ruh ia ka jingjulor kaba malu mala ia kitei ki kali thymmai, kiba la thep hapoh jong katei ka kali.
Ka kali kit kali kaba la kylla ha ka surok Umsning By-Pass
U nongniah jong katei ka kali, uba la mynsaw ha katei ka jingkylla kali, la pynkit noh sha Umsning CHC na ka bynta ban ioh jingsumar.
Phi don ban ong eiei?