Kylla ka bus ha Rattacherra, mynsaw haduh 16 ngut

Jowai, 29 Jymmang:
Haduh 16 ngut ki nongleit nongwan ki la mynsaw katto katne ki la mynsaw jur hadien ba kawei ka Bus Night Super kaba don ia u No. As24C-2829 ka la kylla harud surok ha ka shnong Rat tacherra. Kiba myn saw ki kynthup ia ki khynnah khyllung, ki rangbah kynthei shynrang, katba uwei u doctor u la lait thaw ha ryngkat ki wei pat kiba don haduh 28 ngut ki nongshong ha katei ka kali.
Ki pulit ka Umkiang ki la iathuh ba kane ka la jia ha ka por kumba 9:30 lane 10 baje ei ei hynnin ka meit. Mar mar ia kiba mynsaw la pynkit sha ki jaka ai jingsumar kiba don ha Kalain bad Silchar Assam. Ki pulit ka Umkiang kiba la ioh jingtip khamdier por bad haba ki la poi ha katei ka jaka ki la lap tang ia kawei ka kynthei kaba la mynsaw ha ryngkat u kpa jong ka u bym shym la mynsaw lait tang malu mala eh.