Kolkata: 15 ngut ki nong bylla, ki la mynsaw ei, haba ka bos, ba ki shong ban leit phai sha la iing, ka la kylla ha Jalpaiguri, jong ka West Bengal.
Katei ka bos, ka kylla ha Dhupguri block jong ka Jalpaiguri district, West Bengal mynta ka step. Kitei ki dei ki nongbylla, kiba trei ha kawei ka karkhana shna mawit ha Sahudangi bad ki dang leit phai sha Cooch Behar district ha West Bengal. Napdeng kiba mynsaw, ki kynthup ia 3ngut ki khynnah bad 4ngut ki kynthei.
Ka jingeh suda kat shaba phai. Dei hangne ki ong “shong ruh jhih ïeng ruh kynduh.” Synei ki nongbylla bapli.