Kylla jaka sahmiet, u Mawbynna ka sor Shillong

Shillong, 17 Jymmang:
U Mawbynna sah nam ka sor Shillong uba ieng mar pyrshah ka State Central Library hajan ka skulbah Martin Luther u la kylla long pynban kum ka ktem sahmiet jong ki iaid wir.
U nongthoh khu bor uba iaid lynti najan katei ka jaka u la kyndit ban iohi ba halor ki mawbynna la don ba thad jaiñ ( Blanket) bad bad don ruh ki jaiñ rit kiba la thad ha ki kynroh jong utei u mawbynna u ba la ker tawiar bha. Nangta la iohi ia ki jaboh jabaiñ hapoh kiba pynlang hapoh bad ki niut ki nier kiba ieng hapoh katei ka kynroh u mawbynna kaba la pyni saitmet ban peit.
U nongthohkhubor u la kylli na ki longkmie ba shong die soh bad wai dong ha katei ka jaka la ki don jingtip ne-em ki dei ki jain jongno ba la thad ha katei ka shnong,ki jubab ba u don uwei u briew uba sah miet ha katei ka jaka , ki iathuh ba utei u briew u wan phai sha katei ka jaka ha ka por janmiet bad teng teng u wan ruh ha ka por mynsngi, “U dei u khasi –u tymmen uba leh stai bha,ngi shait iohi man ka por ba u wan ban sah ha katei ka jaka” ong kawei ka longkmie haba ia kren bad u Rupang.