Kylla Iew die kali ka phyllaw District Council

Shillong, 9 Nohprah:
Ka Phyllaw ka Khasi Hills Autonomous District Council ( KHA DC), ka la kylla long ka jaka die kali bad ia kane la iohi mynta ka sngi; ha kaba la pynieng ha phyl law ka District Council ia kawei ka kali Auto Celeiro ban pyni dak ia ki paidbah ba kin leit sha katei ka jaka ban jied ia ki kali kaba ki mon ban thied lyngba ki kot ki sla, ki dur ki dar kiba la pynkhreh.
Hapoh katei ka kali ki don ruh ki briew ki kompeni die kali bad ha syndah la buh kawei ka miej ban buh ia ki kot ki sla bad ki briew ka kompeni kin batai ia ki paidbah ba wan ba leit ia ka dor ka kali , ka model, ka jingkhlain bad kumta ter ter. Ki nongtrei ka District Council ki la iathuh ba katei ka jingpynlong iew die kali ha phyllaw ka Council ka la long la ar – lai sngi mynta. Ki nongthoh khubor ki la pyrshang ban leit twad jingmut na katei ka jaka die kali kum ki nongthied kali, bad la batai ia ki, ia ka dor ka mur jong ka kali bad ki model bapher bapher . Ki briew ka kompeni ki la iathuh ba katei ka jingdie kali ka dei na bynta ka Mela.