Kwah U MP ka BJP, ban pynlong ain tang ia arngut ki khun

Ha ka sngi laitluid jong ka Ri, U Narendra Modi, ula pynpaw ia ka jingdonkam ban pynduna ia ka jingdon briew ha ka Ri bad halor katei ka phang, U MP jong ka seng BJP, U Ajay Bhatt, ula leit rah ia ka mat jing iatai ha ka iing dorbar jong ka Parliament, na ka bynta ban ailad ia ki shi tnga, ba kin ioh khun tang arngut. Utei U MP, u kwa ruh ban pyn kylla ia ka riti synshar ri bad ban pyntrei kam ia ka Uniform Civil Code.

Katei ka ain The Population Control Bill, 2019, ba la leit rah da U Ajay Bhatt, BJP MP na Nainital-Udhamsingh Nagar constituency ha Uttarakhand, u la kren ba lyngba katei ka ain, kino kino kiba ioh khun palat arngut, kin dun noh ia ki kam sorkar bad kin shah dain kuna ruh T.50,000.

Katei ka bill, ka kwah ruh ban ailad kyrpang ha ki kam sorkar, ia kito kiba don khun tang arngut.

Ha katei ka bill U Bhatt, u kwah ia ka Parliament, ba kan mynjur noh ban pyntrei kam ia ka Uniform Civil Code bad u kwah namarkata ban pyn kylla ia ka Article 44 jong ka Directive Principles jong ka riti synshar ri.