Shillong, 21 Naitung:
Ka All Meghalaya Dancers Association lyng ba u President jong ka u bah Kitbok Thabah ka la iathuh ba u Mithun Chakra borty uba dei u Grand Master lane u nongbishar ba ha khliehduh jong ka Dance India Dance u kwah ba u Micheal Syiemiong u samla nongshad na nongbah Shillong ba un rung biang ha ka DID Season 5 , wat la u la shah kyntait kham mynshuwa. La ong ba la ailad ia u Micheal sa shisien biang ba un pyni ia ka sap shad bad ka jingtbit jong u tang sa shisien ha kane ka kynti ba mynta ha ka round kaba la tip kum ka Wild Card Entry bad lada jia ba um lah ban shad bha kan ym donlad shuh ia u. Katei ka Association ka la ong ba mynta utei u nongshad u dang shah hikai ha u Punit uwei na ki nongbishar ha katei ka rynsan ia kob.
Phi don ban ong eiei?