Kwah U CS, ban thoh da ka Khasi, Garo, ha ki eksamin sorkar

Shillong:Ka HANM Education cell, ha ka jingialam jong u president Rangbah, u Bah Lamphrang Kharbani, mynta ka sngi, ki la wan ban pynshai ia ka jingiakynduh jong ki ia u Chief Secretary jongka jylla, u Bah David P Wahlang ban kyrpad ia u ban shim khia, ia kawei na ki mat kaba ka HANM education cell ka thrang dik dik ba ka ktien khasi bad Garo, kan dei kawei na ki ktien ban pynlong ia baroh ki eksamin thungkam hapoh ka jylla, ba kynthup ia ki ophis ka sorkar India ruh. Une u samla Rangbah u la dap ruh da ka jingkmen bad sngew ioh mynsiem, namar ba u chief secretary ruh u don ia kajuh ka thong, kumba education cell jong ka HANM ka don.

U Bah Lamphrang u lah iathuh ruh ba u Bah Wahlang, u la iakren ruh bad u Chairman jong ka central board of School education (CBSE), ha ka jingdon lang jong ki nongialam ka HANM.

U bah Lamphrang Kharbani, u la iathuh shuh ba u kyrmen ba ka jingkynduh ia kine ki nongialam kan long kaba seisoh bad wan rah jingmyntoi ruh ia ki khun samla khasi bad Garo, ki ban iakhun ia ki examin jongki nangne shakhmat.