Kwah u CEM ban thaw ain ban iada ia ki dohum dohwah

Shillong 16 Nohprah:
U Chief Executive Member (CEM) ka Khasi Hills Autonomous District Council (KHADC) u Bah Adelbert Nongrum u la ong ba ka Council kan shna ia ki ain na ka bynta ban iada ia ki dohum dohwah bad ruh ia ka mariang.
Haba kren mynta ka sngi, hadien ba la wai ka jingiakynduh bad ki nongialam ka KSU Maw lai circle bad Umiam, halor ka jingwan khlong maw ki kompeni na
katei ka wah kaba kylla jaboh, u CEM u la ong ba ka Council kan sa
shna ia ki ain ban khnang lad ia ka jingpynjaboh ia ki wah, bad ka jingpyniap ia ki dohum dohwah.U Bah Nongrum u la ong ba ka tnad Water Resources Department ka KHADC,kaba dang thaw tang ar snem mynta, kam pat don ki kyndon ba biangkiba iadei bad ka jingjaboh ki um ki wah. U la ong ba ka jingleh kaNGT ban khang ia ka tih dewiong namar ka pyniap ia ki dohum dohwah dakaba pynjaboh ia ki wah, ka la pynpei shkor ia ki paidbahbad ki tnadha kane ka jylla.Hadien ba la iakren bad ki sengbhalang, u CEM u la kular ban leitjurip lang sha ka wah Umiam khnang ban tip ia ka jingshisha bad baniohi ia ka jinglong jong ka wah na ka jingkhlong maw ki kompeni.Ka KSU Umiam circle bad ka Mawlai circle ki la ujor sha ka KHADC basaw tylli ki kompeni ka YFC, Nikton Ford, Mahindra bad ka Toyota ki la
bret jaboh ha ki wah haduh ba la shlei smam bad buh jingma ym tang iaki dohum dohwah hynrei ia ki briew ruh lada pyndonkam ia ka um bad kajingkhlong ia ki maw na wah, ruh ka dei kaba la pynkylla jaboh badwanrah jingma.U CEM u la ong ba lada lap iano iano ba pynjaboh, yn pynshitom beitkatkum ka ain. U la ong ba ka jingpynjaboh ia ki wah, kam ktah tang ia
ki dohum hynrei ia ki paidbah kiba shong ha katei kathain kiba donkamum na ka bynta ban sum ban sait bad kiwei ki jingdonkam.U general secretary ka KSU Mawlai circle u Rapborlang Nongrum u laong ba a long kaba sngew bynniaw ban iohi ba ki kompeni kim shym lawan poi ha ka jingialang kaba la khot da u CEM. U la ong ba lada kineki kompeni kim wan ha ka jingleit jurip kaban long ha kane ka sngiThohdieng, ka KSU kan pynbor ia ka KHADC ban leh da kabatyngehpyrshah ia ki.