Kwah u CEM ban shna ia ka ain shwa ban rejistar khyndew

Shillong, 26 Lber:
U CEM ka KHADC u Bah Ardent Miller Basa iawmoit u la ong ba ka Council ka donkam ban don ia ka Land Bill kaba khlain shwa ban ailad ia ki paidbah ba kin wan registar ia ki jaka pata jong ki khamtam kito kiba sah ha jaka khappud.
“Ngi donkam ban pyntreikam noh ia ka Land Bill khnang ban pynsuk ia ki paidbah ba kin wan ban rejistar”,la ong u Basaiaw moit haba jubab ba la wanrah ka motion da u MDC ka Congress u Bah Victor Ranee halor ki jingeh ba ki paidbah kiba sah ha khappud ki ia kynduh ia ki jingeh.
U la ong ba ba lah ban don bun ki jingeh lada ki shu rejistar ia ki khyn dew khlem don ki ain kiba biang.
“Ka executive committee kan bishar bniah halor ki ain ban rejistar ia ki khyndew”, la ong u Bah Basaiawmoit.
Haba phai pat sha ka liang ka motion u Bah Ranee u la ong ba bun ki shnong ki ba ha khappudki rejistar ia ki khyndew jong ki bad ka Assam namar ba bun ki jing dkoh haka liang ban rejistar ia ki jaka jong ki ha Meghalaya.
“Tang ban ioh ia ki kot ki sla jong ki jaka paata na ka Dorbar shnong, ki paidbah ki hap ban ai pisa ia ki Rangbah Shnong bad ia ka Executive Committee. Lada ki donkam ban registar ia ki jaka bad ki Syiem ki donkam ban theh pisa shuh shuh”, la ong u Congress MDC ka Jirang.
Ha kajuh ka por u MDC ka Laitumkhrah u Bah Antonio War u la ai jingmut ia ka Council kadei ban leh ia ka casdastral survey na ka bynta ban rejistar ia ki jaka paata hapoh ka Council.