Kwah U bah John ia ka dorbar hima, shisien shi snem ka Hima Mylliem

Shillong: U bah John Kharshiing, u khot ia ki 15 MDC Hima Mylliem ban ia kren ban pynbeit shai ia ka Mylliem Act 2007-2008, ka Administration Rule 2015 bad ka Act 1959 ban ioh Dorbar Hima shisien shi snem katkum ki riti dustur.
U Bah Paul u la ong ba un sa ia kren bad ki MDC bad u la pyntip ba ka UDA kan sa ia kynduh ha kine ki sngi bad un sa ia kren ha katei ka jingialang bad u la kyntu lang ia u Bah John F Kharshiing ban ia kren lang bad u Chairman KHADC uba long ruh uwei na ki MDC hapoh u pud ka Hima Mylliem bad kumjuh ban kren lang ia kiwei. U bah John u la ong ba un sa kren katba lah ia baroh ki MDC.
U Bah Paul u la pyntip ba ka tnad Trade, ka dang iai pynkhreh ia ka draft guidelines ia ki Dorbar Shnong, ha kaba iadei bad kumno ban ai mynjur bad shen un sa khot ia ka jingialang ynda ki la dep pynkhreh. Na ka liang u Bah John Kharshiing, u la pynsngew ha u EM Trade ba ka por ka dawa ia ngi ba ngin pyrkhat jngai. Lada jin ba ka jinglum dorbar hima kan don da ka policy hapoh ka Hima, kumta kan don ka jingshai, hynrei mynta ngi don ha ka jingdum khlem ka Dorbar Hima ha ryngkat u khun u hajar ha kaba ngim ioh ia ka kaiphod kaba shai ka jingkhien jingdiah.