Kwah tohkit kloi halor ka jinglong ka lyer sain rnga dewiong ha Mookhep

Shillong: Ka Society for Environment Protection and Sustainable Development ka kyntu ia ka Meghalaya State Pollution Control Board ban pynkloi noh ban leh ia ka AIR Testing ban wad bniah ia ka jinglong jingman ka lyer ba mih na ka karkhana sain rnga dewiong kaba don ha Mookhep East Jaintia Hills District.

Kham mynshwa ha u bnai jylliew 2019, ki Engineer ka MSPCB ki la hiar ban jurip ia katei ka karkhana hadien ba ka Society ka ai dorkhas sha u myntri ka tnad ka koit ka khiah ka Sorkar jylla, halor ka nongrim ba ka tei ka karkhana kala pynmih ia ka lyer jakhlia bad pum pum kaba ktah ia ka koit ka khiah ki nongshong shnong bad khamtam iaki khynnah skul jong ka skul Good Shepherd Secondary School kaba don mar syndah katei ka karkhana.
U Vice President ka SEPSD u bah J R Dkhar ula ong ba namar ka jingbymshai jong ka suin bneng, ha ka por ba wan jurip na ka daw jong u slap, ym shym la lah ban pyndep iak a AIR Testing bad u Engineer ka MSPCB ula ong ba yn leh noh ia ka Testing ynda la kut u slap khnang ba ka Test kan long kaba shai.