Khliehriat,
19 Jymmang:
Ha ka kyrwoh khu bor ba la pyllait mynta ka sngi lyngba u Publicity Secy ka Seng Southern Border Youth Welfare Association Central body (SBYWA-CB),east jaintia hills, u samla Wastar Sympli u la pynpaw ba na ka liang ka Seng ka ai ka jingKyrshan kaba pura ia ka Seng Ri Jaintia Youth Federation (RJYF) halor ka jingkyrpad jong ka ia u DC,EJH ban Tei Mot sah kynmaw ia u Woh Kiang Nongbah ha East Jaintia Hill District,Meghalaya khnang ba ka Nam bad ka
Kyrteng jong une u Khla wait ka Ri Jaintia kan sahnam pateng la pateng.
Kane ka jingkyrshan ka long ruh namar u Woh Kiangnongbah u dei u nongieng ialeh pyrshah ia ka Sorkar phareng ha ki Snem 1860-1862 ha Ri pnar.U long ruh u wei na ki nongialeh laitluid bad uba ka pyrthei baroh ka la tip ia ka Nam bad ka Kyrteng jong u haduh ba u la shah sdien phasi na ka bynta ban im ka ri bad ka jaidbynriew ka jong ngi, ong ka kyrwoh. Na ka liang ka Seng ruh, ka buh ia ka jingkyrpad shuh shuh lyngba kane ka kot khubor ia ki bor pyniaid District khamtam ia u DC kin shem khia na ka bynta ban tei ia u Mot sah kynmaw jong u Woh Kiangnonbah kumba la dep kyrpad da ka Seng RJYF khnang ba ka nam ka burom jong u kan nangkhraw shuh shuh ha khmat ka pyrthei bad ia ka jaidbynriew jong ngi ruh,la pynkut u SamlaWastar Sympli- publicity Secys ia kane ka Kyrwoh jong ka Seng (SBYWA-Central body).
Phi don ban ong eiei?