Kwah surok rong ka balang Katholik

Shillong, 21 Nailur:
Ka Joint Action Committee ( JAC) ka Umkon-Sohtad-Catholic Church, Ri-Bhoi District ka la phah jingthoh sha u myntri ka tnad PWD u M.M Dango ba un pynbiang surok ring noh ha ki surok shnong jong ka shnong Umkon bad Sohtad kaba jngai kumba 1.5 km namarba kan don ka jingiaseng rakhe 75 snem jong ka balang Katholik ha u rymphang , 2017.
Ha katei ka jingthoh kaba la soi da ki Rangbah Shnong bad ki ar balang jong ki ar shnong ki la ong ba ha katei ka jingiaseng yn wan poi kumba 55 hajar ngut ki paid riewngeit na kylleng ka jaka.