Kwah shalan hi ki nong Sohra sha NIT

Shillong, 16 Naiwieng:
Ka Synjuk ki Khlieh nongsynshar ka thain Sohra ryngkat bad ka Sohra Contractor and Suppliers Association ka la pynlong ia ka jingialang ha ophis u syiem ka hima Sohra ha ka 13 tarik mynta u bnai ban ia kren halor ki kam ioh kam ioh jam ki kontraktor bad ki kam shalan mar na katei ka thain ha ka jingpyntrei ia ka National Institute of Technology ( NIT).
Ha katei ka jing ialang ka Synjuk ki Khlieh Nongsynshar ka la ithuh ia ka SCSA kaba la ai bor ba kan long tang kawei ka Association ki kontraktor kaba lah ban ithuh hapoh Sohra kiba na ka Sohra Civil Sub-Division kata ha kaba ia dei bad ka kam ai mawria, maw, shyiap, dewbilat bad kiwei. La shim ruh ia ka rai ba ka Synjuk kan phah da ka jingthoh ban pynbor ia ka NIT bad sha ka Gautam Construction Ltd ka ban pyntreikam ia katei ka Project ba ithuh tang ia katei ka Association ban supply shyiap, maw bad kiwei ha ka jingpyntrei ia katei ka Project-NIT. Kawei pat ka rai ba la shim ka long ba ka Synjuk ka la khang ia baroh ki nong shalan mar, ne ki kontraktor ba na bar katei ka association ba kin ai mar sha katei ka project.