Kwah plie iew khappud 22 tylli, ha markhap Bangla

Shillong,29 ‘lyngkot:
Ka sorkar Bangladesh ka thmu ban plie arphew ar tylli ki iew khappud ki ban iasoh bad ki ri ba marjan lyngba na um bad na suin.
U high commissioner ka Bangladesh u Tariq A Karim hadien ka jingialang mynta, ka sngi Balang haba iakren bad u Myntri Rangbah u Mukul Sangma, u la ong ba ka sorkar Meghalaya ka la kyrpad ban plie shuh shuh ki iew khappud khnang ban kyntiew ia ka ioh ka kot.
U Karim u la ong “ar tylli ki iew khappud ha Balat bad Kalaichar kiba la iasoh hapdeng ka Bangladesh bad India kine ki hap ha ka jylla Meghalaya bad ar tylli pat kidei ha Tripura.
U Karim u la sngew ba baroh ki ri ba marjan ka India bad ka Bangladesh ki dei ban iatreilang ban kyntiew ia ka ioh ka kot.
U Sangma bad u Karim u la iakren ka lynti ka synkieng, ka lynti wah, bad ka lynti suin. U Karim u la iathuh ba la iakren bad u Mytntri rangbah ban pyniaid lynti wah, lyngba ka wah Brahmaputra.
Ha kawei ka liang, u Sangma u la iathuh ba la iakren bad une u heh ka Bangladesh ban iatreilang ban kyntiew ia ka ioh ka kot da kaba pynher liengsuin na Dhaka-Sylhet bad ka Shillong. La iakren ruh ban kyntiew ia ka Land Custom station ha Tamabil-Dawki.