Kwah MR sa ka Kiran Bedi

Ahmedabad,
21 Jymmang:
Ka Anandiben Pa tel, ka myntri kam lum khajna jong ka sorkar Gujarat, kaba dei ruh kaba iajan bha bad u myntri rangbah ka Jylla, U Narendra Modi, kan long ka myntri rangbah ba thymmai jong ka Gujarat, ha kaba kan dei ka myntri rangbah ba nyngkong eh jong ka Jylla

Ka Patel, kaba don mynta 73snem ka rta, kham mynshwa, ka dei ka nonghikai, hynrei, ka iehnoh, ia la ka jong ka kam bad ka leit noh sha ka kam sain pyrthei

Ha kawei pat ka jingjia, la iathuh ba ka Kiran Bedi, kaba don bad ka kynhun jong U Anna Hazare, ka la kren shai mynta ka sngi, ba kan mynjur, lada jia ba ka ioh ia ka lad ban long ka myntri rangbah

jong ka nongbah Delhi

“Ngan jin da long kaba kloi, ban shimti ia katei ka kam, lada don ka jingtyrwa ianga” ka la ong

Kham mynshwa, ka BJP, ka la jied ia U Harsh Vardhan, ba un long u nongialam jong ka seng, ha ka elekshon ha u nohprah ba ladep, hynrei mynta, haba ula shah jied kum U MP jong ka Chandni Chowk, kumta ka Bedi, kan lah ban long ka kandidet myntri rangbah jong ka Jylla Delhi, ha kane ka elekshon, ka ban sa long shen

Na ka liang jong U Nitin Gadkari, uwei na ki nongialam jong ka seng BJP, ula thoh ha ka peij twitter jongu, ba ka Kiran Bedi, kan sa long ka myntri rangbah jong ka Delhi