Shillong: U Heimonmi Synnah u dang ia leh ia ka eksamin class 10 da ka ba thoh da ka kjat na ka skul Sawyongdoh Higher Secondary Schhol ha ka shnong Mowkaiaw hapoh ka West Jaintia Hills.
Wat la ki baha ing ha sem kim mut ba u Heimonmi Synnah un lah ban leit skul ne thoh hynrei lyngba ka jing trei shitom jong u, ka la pynlong ym tang ia ki baha ing ha sem hynrei ia baroh ka shnong bad ia ka skul.
Ka kmie jong u Heimonmi Synnah ka Aimaiya Synnah ka la iathuh ba ka dap ka mynsiem bad jing kmen ba kan ioh I ba u khun jong ka, wat lada um donkti hynrei u lah pat ban thoh bad u kwah ruh ban long doktor.
Ki kmie ki kpa jong u Heimonmi Synnah ki la ong ba kin ialeh katba lah ban phah pule shuh shuh ia u khnang ba un ioh ia kaei ba u thrang hadien ba la dep ia ka jing pule. Na ka liang ki baha ing jong u Heimonmi Synnah ki don jing kyrmen u un pass bha ia ka eksamin ban ki la kyntu ruh ia ka sorkar Meghalaya ba kan iarap na ka bynta ba un long doktor hadien ka jing pule jong u.
Na ka liang u ‘Controller of Examination’ jong ka MBOSE u Tammy Roy Laloo u la iathuh ba u dap da ka jing kmen ban ioh I ia ka jing shlur u Heimonmi Synnah na ka bynta ban pyndep ia ka eksamin jong u.
Phi don ban ong eiei?