Kwah kyntiew ka HITO, ia ka snem thep kam sha ka 29 snem ka rta

Shillong:Ka seng Hynniew trep Integrated Territorial Organization (HITO) Sengkmie ha ka jingialam u president rangbah u bah Donbok Dkhar, ha ka step jong ka 15 tarik u lber 2024, ka la leit ban iakyn duh ia u myntri rangbah ka Jylla u Conrad K Sangma bad ban leit buh ruh ka jingthoh ha iingsah jongu, ha kaba iadei bad ka jingthep kam Meghalaya Police(MLP).

Ka jingleit kynduh ka seng ka dei hadien ba la ioh ka jingujor na ki ba bun ki samla thepkam thepjam ban kyntiew biang ia ka rta thep kam pulit, na ka 27 snem ba la buh sha ka 29 snem karta.
Ha kane ka sngi la iohi ruh ba ki pulit ka jylla, ki la wan ban syrtap ha sawdong ka iingsah u Conrad K Sangma, namar ka jingwan ka seng HITO.

Ha ka jingiakren bad ki lad pathai khubor u bah Donnok u la ong ruh, ba ki ba bun ki samla thepkam ki la duh noh ha kine ki snem ba ladep na mar ka jingwan lyng shop jong u Covid-19 bad lada ka sorkar kan dang pynjlan shuh shuh ia ka snem thepkam ki samla kin dang ioh ka lad.
“Na ka liang u Myntri Rangbah ka jylla u la ong, ba un peitbñiah shwa ia kane ka kam namar kane ka dei ka jingbuh na ka liang ka Police Department”.