Kwah ki nonghikai deficit ban mang tulop lypa

Shillong: Ki nonghikai deficit hapoh ka lama ka KJDSTA, ka la kyntu ia ka sorkar ba kan bha ba kan mang lypa beit ia ka tulop baroh shi snem, ym ban mang tang shisien ha ka 3 bnai.

U Babu Kular Khongjirem u president ka KJDSTA ula ong ba kan long kaba bha eh lada ka sorkar kan mang tulop baroh shi snem ia ki nonghikai deficit khnang ban kham suk ban lait na kano kano ka jingeh da kaba pyllait shisien ha ka 3-4 bnai, ha kaba ki skul ruh kin phah ia ka UC shisien shi snem, khnang ban lait na ka jingjynjar bad ka apot ba ki nonghikai deficit ki ia kynduh ha ki snem ba la dep bad ruh kin lait noh na ki kam kyrduh pisa tyngka kaba man u bnai.
“Da kane ka rukom mang tulop ne sanction tulop baroh shi snem,ki skul kin dei ban ai tulop beit man la u bnai sha ki nonghikai bad mar ia kut 12 bnai ki skul kin sa submit noh ka UC sha ka sorkar ia ka tulop baroh ba ki nonghikai ki la ioh baroh shi snem”, la ong u president ka KJDSTA.