Shillong: Ki klob kiba don kumba phra tylli ha ka lympung I- League, ki kwah ba ka All India Football Federation (AIFF) ka dei ban khot jingialang halor ka jingthmu ban pynlong noh kawei ka jingialehkai bad ka Indian Super League (ISL).
Ki phra tylli ki klob ba kwah ba ka AIFF kan lum jingialang ban pynshai ki kynthup ia ka East Bengal FC, Mohun Bagan, Chennai City FC, Aizawl FC, NEROCA FC, Minerva Punjab FC, Churchill Brothers bad ka Gokulam Kerala FC.
Ha ki snem kiba la dep, ka la don ka jingpynkhreh kaba thymmai ban pyntreikam ia ka lympung ialehkai phutbol ha kane ka ri, ha kaba ka I. League kaba mynta ka lah ba kan hiar noh sha ka kyrdan iakhun kaba ar ban ithuh noh ia ka Indian Super League, kum kawei na ki lympung ialehkai jong ka ri.
Ia ka ISL la pyniaid da ka Football Sports Development Limited (FSDL).
Ki nongialam ki klob ka I. League ki kwah ban pyniasnoh lang ia ka I. League bad ka ISL, ryngkat ki kyndon kiba biang khamtam katno tylli ki kynhun kin iakhun bad katno tylli ki kiew bad katno tylli pat kin hiar.
Phi don ban ong eiei?