Shillong: Halor ka jingshah kynthoh kaba man la ka por jong ka Sorkar ha u President jong ka seng Bharatiya Janata Party(BJP), u Bah Ernest Mawrie, na ka liang u President jong ka seng Natonal People’s Party u ba dei ruh u Myntri Rangbah jong ka jylla, u Conrad Sangma.
Haba kren sha ki lad pathai khubor mynta ka sngi ka 19 tarik u Rymphang 2021, u Conrad K Sangma u la ong, “Nga la dep ban iakren bad baroh arngut ki MLA jong kane ka seng BJP bad kine baroh arngut ki MLA jong ka seng BJP ruh ki la kiar ialade na ki jingkynthoh jong u Bah Earnest. Kine baroh arngut ki MLA ki la iathuh ianga na ka liang jong ki, ki la kwah ban weng noh ia u Bah Earnest Mawrie na ka kam President jong ka BJP ba u bat. Nga la dep ban iakren bad ki nongialam jong ka seng BJP jong ka BJP Meghalaya Unit bad kine baroh ki la don ia kajuh ka jingkwah. Nga la dep ban iakren shaphang kane bad ki nongialam jong ka Sorkar Pdeng ruh bad na ka liang jong ki ruh ki la pynpaw ia ka jingsngewsih halor ka jingleh bad ka jingkren ka jong une u President ka BJP. Ka shong pat sa ha ka seng BJP, hynrei nga shu iathuh ia ka jingsngew kaba napoh jong ki nongialam jong seng BJP khamtam eh ia ka jingsngew jong ki nongmihkhmat jong ka seng BJP kiba long pyrshah ia u Earnest Mawrie”.
Ha ka Sorkar khlem khawlang, namar lah ia kyrsum lang ha ka bam ka dih lah sngew kum shipara shiiing shisem, kum klet bym dei na ka juh ka party kumta la kum tuklar la ka tuklar …..