Kwah ki 13 seng ban khot ia kren biang ka sorkar

Shillong, 7 Nailur:
Ki 13 tylli ki Seng kiba la dawa na ka sorkar ba ka dei ban pyntreikam ia ki Aiñ ban iada ia ka jingwanrung kyrthep ki mynder sha kane ka jylla lyngba ka kyrwoh ba la pyllait paidbah da u President ka FKJGP u bah Joe Mar weiñ, ki la pynkynmaw ba ha ka 14 tarik u nailar ki la long jingialang bad ka sorkar ha kaba ki la iatai sani halor ki ar tylli ki bill ka Benami Transaction Prohibition Bill bad ka Residential Bill ha kaba ha katei ka jingialang la ong ba ka sorkar ka la rai ban rah sha ka Ing Dorbar Thaw Aiñ ka jylla ban ioh ia ka jingmynjur na ka iing Dorbar.
U bah Joe u la ong ba ha katei ka jingialang ka sorkar ka la dep rai ruh ban ia kynduh biang sa shisien bad ki sengbhalang shuwa ban rah ia kitei ki bill hapoh ing Dorbar, bad halor katei ka rai ki Sengbhalang ki la pynpaw ba ki kwah ba ka sorkar kan khot ia kren biang ia ki sa shisien ban iatai khambha khnang ba ka Aiñ kaba la mynjur da ka Ing Dorbar kan long kaba biang pura ban iada ia ka jaitbynriew.