Shillong, 10 Iaiong:
Hadien ba la ioh jingtip ba ka sorkar ka thmu ban ai noh ia ka jaka kaba heh haduh 18 akar , kaba don ha 7 mer Upper Shillong, kaba dei jong ka tnad Veterinary sha ki shipai suin Air Force ka Khun Hynniewtrep National Awakening Movement Youth Wing, CEC ka la leit ban ia kynduh ia u Director jong katei ka tnad ban lap ia ki jing shisha baroh.
Ha katei ka jingia kynduh bad u Director ka KHNAM ka lap ba ka dei ka jingshisha ba ka sorkar ka la pyrshang la bun bunsien ban ai noh ia ka 18 akar ka jaka sha ki shipai suin (Air Force) na ka bynta ba kin shna ia ka madan ialehkai Golf ha katei ka jaka na ka bynta ki nongtrei jong ka.
Ka KHNAM hapoh ka jingialam jong u President Youth Wing u bah Thomas Passah ka la pyrshah jur ia katei ka jingthmu sop sop ka sorkar naba rieh bad ka la ong ba kan dang iai buddien ia katei ka kam ban ym ailad ia ka sorkar ban ai jaka sha ki bor shipai. Katei ka seng ka la pynpaw ia ka jingsngewkhia ia ka jingklun jaka ki shipai na ka por sha ka por la ka dei ha Happy Valley, ne Laban ne sha Laitkor bad sha kiwei ki jaka. Ka la pynkynmaw ba ia kane ka phang ka la ia kren na ka por sha ka por bad ka sorkar ban pynkynriah noh ia ki jaka shipai sha ki jaka ba jngai na u paidbah, hynrei ka la ogn ba ki jingiakren kim poi shano shano ruh, “Ka sorkar ka dei ban leh noh da ki kam ym ban shu pynbiej ia u paidbah da kita ki komiti tohkit ne ki Enquiry Committee bad kiwei pat” ong ka kyrwoh na ka KHNAM.
Phi don ban ong eiei?