Kwah ka Ri bhoi Congress, ban leit phai biang U Bah Lapang

Shillong: Ka Ri Bhoi District Congress Committee ha ka 21 tarik u Risaw ka la thoh da shithi sha u President ka Meghalaya Pradesh Congress Commitee (MPCC), u bah Vincent H Pala bad kumjuh ka la phah ruh sha u Dr DD Lapang ban pynpaw ia ka jingthrang jong ki ba u Dr DD Lapang un wanphai biang sha ka party Congress.

Kat kum ka kyrwoh na u MDC na ka party Congress u Bah Charles Marngar u la pynpaw ba ka RI Bhoi Congress Commitee (RBCC) ka kubur ia kaei kaba u President jong ka Meghalaya Pradesh Congress Committee U Bah Vincent H Pala u la kren ha ki lad pathai khubor ba ka don ka jingkyrpad na ka liang jong ka, ia u Dr D.D.Lapang ban wan phai biang sha ka Seng Indian National Congress (INC).

Ka Ri Bhoi District Congress Committee,halor kane ka bynta ka la dep ban ai da ka jingthoh sha u Bah Vincent H Pala bad la phah ruh kopi ruh sha u Dr.D.D.Lapang ha ka 21 tarik October 2021. Ka Ri Bhoi District Congress Committee, ka da thrang bad kwah eh ba u Dr.D.D.Lapang, un wanphai biang sha ka Seng Congress, ong ka kyrwoh.