Kwah ka NEHUSU, U VC ba pura

Shillong, 18 Nailur:
Ka North Eastern Hills University Students Union (NEHU SU), ka la phah shithi sha U President jong ka Ri, sha u myntri rang bahduh, shaka myntri jong ka tnat pule puthi ka sorkar India nalor kiwei, na ka bynta ban thung ia U Vice Chancellor ba pura ha katei ka University.
Ha katei ka shithi, la ujor halor ka jingpynmih slem ia ki result jong ki eksamin bapher bad nangta la pyni ba ka rukom sam ia ka bai bam sha ki samla pule kam ju long ha ka por kaba biang bad nangta sa ka jing bym don um, don ding ilektrik, ki long katto katne ki jingeh, kiba mih na ka bynta ki samla kiba sah hapoh Hostel.
La dawa da katei ka seng, ia U Vice Chancellor ba pura, uba don jingtbit, na ka bynta ban pyniaid beit ia ki kam jong katei ka University bad la ong da ka NEHUSU, ba ka kwah da u briew, u bym don bynta ha ka sain pyrthei, namar ba ki Vice Chancellor kiba la dep thung baroh shi katta, ki dei ki bym nud ban shim ia ki rai kiba dei bad katei ka la buh jingeh, ia ka pule puthi ha katei ka University bad katei ka seng, ka dawa, namarkata ban thung noh bran bran ia U Vice Chancellor, uba pura ha katei ka University.