Shillong: Ka Meghalaya Football Association (MFA) ka la pynpaw ba ka la don ka jingthrang ban bteng biang ia ka lumpung phutbol ka Meghalaya State League kaba la dep ban sdang naduh mynshem snem.
Haba kren myn hynnin ka sngi, u bah Wanphrang Kharkrang uba long u nongkitkam ka MFA, u la ong ba haduh mynta ki dang ap ia ka khubor na ka sorkar ban bteng ne em ia kane ka jingialehkai.
“Ka MFA ka kwah ban don ka Meghalaya State League (msl) hynrei ym pat ioh pisa mynta u snem na ka sorkar bad kane ka dei ka jingeh”, u la ong.
U la ong ba ynda ioh khubor na ka sorkar, kin sa lah pyrkhat kumno ban leh halor kane.
“Ngi dang ap ia ka khubor na ka sorkar, lada ym ioh na ka sorkar lah ban pyrshang ban wad lad na kiwei ki lad”, u la ong.